أخبار لبنان

أيها اللبنانيون المسافرون بفيزا سياحة: إنتبهوا من سماسرة الفيز و سماسرة لقمة العيش

نشرت صفحة الجالية أونلاين على حسابها على الفايسبوك تحذيراً للمسافرين من لبنان بفيزا سياحية جاء فيه:

عم يوصل شباب من لبنان بفيزا سياحية
و بس يوصلوا ع البلد بتطلع الصرخة … المعيشة غالية ما قادرين نلاقي محل لنام و امور تانية و طبعا دبرولنا شغل …

عزيزي الشاب اللبناني الي جايي سياحه موضوع تدبير الشغل مش بالسهوله لي انت معتقدها اضف الى ذلك لما حضرتك جايي سياحة مين خبرك انو فيك تشتغل
طيب عااال طالما مخبرينك و انت واثق فيهن ..
طيب يدبرولك شغل هني و هيك بكونوا ساعدوك …
اما انو تجو ع بلد لا عارفين شو فيها و لا فهمانين قوانينها و فجاة بتتوقفوا عند الشرطة بسبب انتهاء صلاحية و الكل بدو يهمل همكن فهالشي ما بصير ..

اعملو معروف مع انفسكن كلنا منعرف وضع لبنان و منعرف انو الكل حابب يفل بس ابدا مش بهالطريقة.
(اذا مش مامن وظيفة )
لا تسافر بفيزا سياحة لان ح تكون فيزتك اسم ع مسمى …

و انتبهوا من سماسرة الفيز … و سماسرة لقمة العيش ..

الله يفرجها ع الجميع و نحن بعدنا عم نحاول تامين فرص عمل ..رغم الظروف الصعبة للبلاد بسبب جائحة كورونا..

✍️ #عليكاتور #الجاليةاونلاين #الوجود_اللبناني

زر الذهاب إلى الأعلى