الرئيسية / أخبار البلدات المجاورة للنبطية / بعد أن نشرت إعلاناً على الفايسبوك عن بضاعة مدعومة مما تسبب في زحمة خانقة … سوبرماركت في تول النبطية توضّح ما جرى

بعد أن نشرت إعلاناً على الفايسبوك عن بضاعة مدعومة مما تسبب في زحمة خانقة … سوبرماركت في تول النبطية توضّح ما جرى

نشرت سوبرماركت جعفر حرب للتموين العائلي على صفحتها على الفايسبوك إعلاناً عن بضاعة مدعومة في خطوة ظن أصحابها أنها خدمةً لمساعدة الناس ، مما تسبب في زحمة خانقة أمام السوبرماركت في اليوم التالي، ما إضطرهم لإغلاق السوبرماركت أمام الزبائن منعاً للمشاكل والإزدحام ،بعدها إنهالت عليهم الشتائم والإستنكارات فأصدروا البيان التوضيحي التالي:

تعليلا لما حصل اليوم ..ولأصحاب العقول الفارغة اللي عم تبهدل وتشتم وتتفهمن علينا إنو لي نزلتو البوست وما فتحتو !
نزلت إني جبت بضاعة مدعومة مبارح ..ولنساعد العالم والكل ياخد نزلت البوست عالفيس .. بس لما قبل بساعتين من لما افتح لاقي طابور فوق ال ٤٠٠ شخص قدام المحل .. اذا فتحت حيتكسر المحل من العجقة والمخانقات وهيدا انا ما طلعلي وهيدا أخد وأنا ما أخدت …وبحال ما فتحت حيقولو كزاب وما كزاب … (ومع هيك نزلت وقلتلن حفوت 5 اشخاص بس يخلصو بفوت غيرن…جربنا ومن الصعب لقدرنا نضهرهن ليفوت غيرن و وضلت العجقة …بالأخير توصلت لحل إنو يوقفو بالصف وأنا بوزعلن ياهن [ببلاش] وما بدي حق البضاعة بس المهم ما يصير في خراب بالمحل وما ردووو ) شو بيطلع بأيدي أكتررررر؟؟؟؟
هيك اللي بيعمل منيح بهالبلد وبدو يساعد غيرو بيلقى مسبات وكل اللوم بينزت عليه !!!!!!!
روحو سبو اللي عم يخبو البضاعة المدعومة عنكن مش اللي عم يقلكن خدوها ببلاش بس وقفو بالصف ويا ريت رديتووو !!
اللي بدو يحكي يحكي ..واللي بدو ينتقد ينتقد .. أنا حاولت أعمل منيح ببلد المنيح في صار غلط …
..الي فات عالمحل شاف شو في بضاعة مش كيسين سكر وكيسين رز..
اقتضى التوضيح..🙏🏻
جعفر حرب للتموين

وهذا نص الإعلان :

🔥وصل المدعوم من سكر للزيت للحليب وكتير اشيا كمان كلها مدعومة🔥
🚫حبة وحدة فقط من كل صنف لكل زبون لحتى الكل ياخد🚫
ولأهم انو ما حدا يدقلي لأن ما بقدر شيل عجنب شي
لسبق شم الحبق كالعادة
بتمنى من زبايني تبكر بكرا لان رح يأشو لاخضر وليابس
وبتمنى من اصحاب الضمائر الي ما عندن ولاد صغار ما ياخدو الحليب من طريق الي عندن اطفال رضّع
لان عنجد الي عندو طفل ما عم يلاقيلو حليب بالرغم من انو صار حق الكيس ٦٠ الف ل٧٥٠غ وهيدي ازا قادر يأمن حقو

بس تخلص البضاعة رح نمحي البوست
ماركت جعفر حرب للتموين العائلي 🔥🔥🔥

عن kamel

x

‎قد يُعجبك أيضاً

سرقة محطات تغذية الكهرباء وأسلاك كهربائية في منطقة النبطية

أفاد مندوب “الوكالة الوطنية للاعلام” بأن أحياء سكنية في 3 بلدات في قضاء النبطية تعرضت ...