أخبار النبطية

في النبطية…”أبو علي” الستيني يحمل زهوره بلهفة ليضعها على قبر زوجته..”رايح شوف مرتي اللي بحبها”

نشر الناشط جعفر علي جعفر فرحات عبر حسابه
على فيسبوك منشورا عنحادثة حصلت معه في النبطية عندما استوقفه رجل ستيني على الطريق يدعى “أبو علي”يحمل زهورا بيده وهو يحاول بلهفة إيقاف سيارة لتقله الى حيث يرغب، وجاء في المنشور:”اليوم كنت راجع من النبطية …شفت حج كبير عالطريق اسمو ابو علي عمرو شي 10 سنة
حامل بإيدو ورد غاردينيا و جوري مقطفن من
غرسة عطريقو ؛ عم يوقف مين ما كان بلهفة
و مستعجل كأنو رايح عرسو و مأخر او كانو
معزوم عشي محل و دايق الوقت …وقفت طلعتو قلتلو لوين حج ..قلي عند مرتي , قلتلو
مبين من طلعتك رايح عند حدا بتحبو كتير يلا
طلاع طلاع بأمرك … عطاني وردة من الورد قلي
هاي مني الك يا ابني و الباقي لمرتي…
مشينا شوي قلي يا ابني صرلي 3 سنين كل
يوم نفس المشهد بوقف عالشارع بوقف مية
واحد ليطلعلي ابن حلال بس كرمال روح شوف
مرتي البحبها.|
مشينا بعد شوي قلتلو يا حج بس توصل قلي
وصلنا والله يخليكن لبعض ويخليلكن هالحب…
وصلنا لحد الجبانة.. قلي يا ابني انا نازل هون
بدي حطلها الورد عقبرها كل يوم بجي بحدثها
وبقعد انا وياها بهالوقت و بروح.الله يخليك و
يحميك و ما تنسوا الفاتحة و بتشكركن من
قلبي”وقد تفاعل الناشطون مع هذه الحادثة
مشيدين بالوفاء والحب الذي يملك هذا الرجل
معتبرين أن الإخلاص في بلدنا ما زال بخير.

زر الذهاب إلى الأعلى